На самиот почеток на бременоста, промените се толку мали што жените не се сигурни дали треба да посегнат за тест или само да го почекаат времето кога треба да им почне менструацијата. Тестот за бременост реагира на хормонот на бременост, бета ХЦГ, кој во телото почнува да се создава штом оплодената јајце-клетка се прицврсти за ѕидот на матката. Освен отсуството на менструација, болни гради, чудни желби за храна, постоја неколку знаци кои ќе ви покажат дека е време да направите тест за бременост.
- Чудни грчеви во стомакот
Да, веројатно не очекувате, но ваквите грчеви може да се појават токму кога ќе дојде до имплантација, малку пред самата менструација и може да бидат проследени со светло и слабо крварење.
- Метален вкус во устата
Поради големата количина на естроген и прогестерон, може да дојде до целосно поинакво чувство во устата. Ќе имате чувство како во устата да сте ставиле монета.
- Поинтензивни мириси
Иако делува чудно, на многу жени во бременоста им се зголемува сетилото за мирис, а за тоа е виновен естрогенот.
- Подобра флексибилност на телото
Верувале или не, ова може да биде ран симптом на бременост. Со оглед дека доаѓа до ослободување на хормонот релаксин, доколку вежбате јога или пилатес, ќе забележите и дека многу полесно и подобро се истегнувате. Телото го произведува овој хормон бидејќи се подготвува за породување.
