Светот на детето по првиот роденден може да биде полн со фрустрации. Децата имаат вродена желба за љубопитност, но константно наидуваат на препрека. Многу ситуации ги фрустрираат и децата и родителите.
Еве некои најкарактеристични за децата во текот на втората година од животот.
ИЗЛИВИ НА БЕС
Изливите на бес на оваа возраст може да бидат изразени, а се последица на фактот дека детето многу ситуации и појави едноставно не може да ги разбере. Тоа сака да се ослободи од она што му предизвикува нелагодност, но не е способно да ги контролира емоциите. Затоа почнува се да фрла на под или да вика.
ИСТИ ПРАШАЊА
Малите деца често поставуваат исто прашање, а најчесто тоа е “зошто“. Тоа штотуку почнува да учи и нормално е се да го интересира, но децата често прашуваат и за работи кои веќе им се познати. Причина е потребата детето да се увери дека и другите минуваат низ исти искуства. Затоа одговарајте на прашањата и потрудете се да најдете објаснување и за оние работи кои не ги знаете.
ИСТА ПРИКАЗНА
Малите деца се плашат од промена, а повторувањето им влева сигурност. Затоа сакаат секој ден да ја слушаат истата приказна. Не се лутете ако цела седмица пред спиење им ја читате истата бајка.
СТРАВ
Релиси сите деца проживуваат стравови – се плашат од непознати лица во првата година, силни звуци, темница… Стравовите се доказ дека на детето му недостасува искуство. Затоа, немојте да му се смеете на детето, оти за него, стравот е голема работа. Разговарајте со детето зошто од нешто се плаши, а потоа наведете му причини зошто не треба да се плаши.
