Потребно:
- 300гр чоколадни колачиња/бисквити
- 100гр путер
- 300мл слатка павлака
- 350гр грчки јогурт
- 30гр шеќер во прав
Подготовка: Чоколадните бисквити иситнете ги во блендер, па во сад измешајте ги со растопениот путер. Убаво измешајте. Земете калап за торта од 20цм и обложете го со хартија за печење. Ставете половина од смесата со бисквити и со раце убаво втиснете. Оставете 10 минути во фрижидер. Во меѓувреме, изматете ја слатката павлака, додадете го грчкиот јогурт и шеќерот во прав и повторно матете. Смесата со јогурт матете ја една минута. Ставете врз кората од бисквити и со шпатула убаво распоредете. Втората половина од смесата со бисквити ставете врз филот, пополнувајќи убаво од страните. Пред послужување, оставете да отстои во фрижидер два часа. Декорирајте по желба. Добар апетит!
