Потребно:
1 чаша од јогурт за мерка
- 4 јајца
- 1 чаша шеќер
- 1 ванилин шеќер
- 1/2 чаша масло
- 1 чаша јогурт
- 1 1/2 чаши брашно
- 1/2 прашок за печиво
- Рендана кора од 1 мал лимон
- 350 гр свежи малини
Подготовка: Изматете ги белките додека не се стегнат, а жолчките добро измешајте ги со шеќерот, а потоа додадете масло, јогурт и кора од лимон. Продолжете со мешање на смесата со најмала брзина и постепено додавајте ги брашното и прашокот за печиво. На крајот со шпатула нежно измешајте го снегот од белки. Подготвената смеса истурете ја во намрсена и набрашнета тава за печење и одозгора рамномерно распоредете ги малините. Печете го колачот 20-25 минути на температура од 180 °C. Изладете го на собна температура и посипете го со малку шеќер во прав. Добар апетит!
