Потребно:
За џемот од мандарини:
- 300 гр парчиња мандарини
- 50-100 гр шеќер
- 15 гр пченкарен скроб
За филот од мандарини:
- 25 мл вода
- 4 гр желатин
- 250 мл слатка павлака
- 25 гр шеќер во прав
И уште:
- 150 гр бело чоколадо
- 9 парчиња бисквити по избор
Подготовка: Излупените парчиња мандарина добро изблендирајте ги, па процедете ги низ сито. Во сад измешајте ги шеќерот и скробот, па додајте ги во мандарините и убаво измешајте да не останат грутчиња. Варете додека не се згусне џемот со постојано мешање. Оставете го џемот да се излади. Растопете го белото чоколадо, па земете гумен калап во форма на помали полутопки. Секој премачкајте го со растопено чоколадо, па ставете го во замрзнувач неколку минути. Потоа намачкајте уште еден слој чоколадо. Вратете се во замрзнувач уште неколку минути. Во еден сад измешајте ја водата и желатинот и оставете да набабри. Изматете ја слатката павлака со шеќерот во прав, па додадете го џемот од мандарина (оставете малку за филување). Потоа измешајте и се додадете го растопениот желатин. Ставајте од филот во калапите за колачи, па со лажица направете мало вдлабнување во кое ќе го истурите преостанатиот џем. Затворете со бисквит и ставете во фрижидер на 2 часа. Украсете ги ситните колачи со џем од мандарина или растопено чоколадо. Добар апетит!
