Понекогаш со децата се изгледа како битка, оти тие понекогаш се спротиставуваат на се – јадење, играње, спиење – едноставно не сакаат да слушнат родителите или не можат. Сетоа тоа може да доведе до лутина кај родителите, постојано чувство на исцрпеност, а решението се чини далечно. Мајката Арена Блејк, ги поминала сите фази со децата и со помош на искуства и книги, пронашла фрази кои и помогнале семејниот живот да и биде полесен.
“Веќе подолго време не можев да сфатам како да ги натерам децата да слушаат. Се обидов да ги следам активностите за насочување и слушање за деца. Сепак, постоеше важна компонента што секогаш недостасуваше: корисни фрази што градат врска Не зборувам за тоа да седам на подот и да си играм со коцки и да сечам хартија на кујнската маса. Наместо тоа, зборувам за воспоставување врска во одреден момент кога детето се бори со тебе и учествувате во борбата за моќ “, вели оваа мајка.
Ова се пет нејзини фрази кои ќе ви помогнат повторно да се поврзете со детето и детето да почне да слуша:
“Би сакала да можеш…“
Еве една голема родителска вистина: кога децата се однесуваат „лошо“, тоа обично е затоа што бараат посилна врска. Кога син ми трчаше пред спиење, се чинеше дека тоа го прави од пркос. Но, тоа беше всушност повик за поврзување. Почнав да го среќавам точно во моментот во кој беше и му кажував одредени работи. “Би сакал сега да можеш да играш сега. Би сакал да ме имаш само за себе и со часови да играме и да се смееме. Би сакал да останеш буден цела ноќ и никогаш да не е време за спиење”, беа речениците што му ги изговорав. Точно тогаш се поврзавме. Тој почувствува дека го разбирам и конечно разбрав сè. Се разбира, моите граници не се променија и тој сепак мораше да спие за 15 минути. Но, најдовме начин да играме и во тек на подготовките за спиење и да го направиме тоа забавно. Изговарањето на фразата „Би сакал/а да можеш…“ те поврзува со детето и му помага да те слуша преку разбирање и потврда.
“Ова е тешко за тебе…“
Го користам тоа цело време сега кога мојот син не сака да оди во училиште. Претходно, кога не ссакаше да оди во училиште, јас обично му велев нешта како: “Секако, сакаш да одиш во училиште, ти го сакаш училиштето. Немој да се муртиш, таму ќе ти биде забавно“. Тоа само го натера на уше поголемо и подлабоко нерасположение и тогаш се каравме уште 10 минути и конечно ќе го однесев во чилиште со плачење и викање. Сега имам сосема поинаков пристап и сега одам кон неговите емоции за да бидам со него во тој момент.
Ќе му кажам нешта како: “ова е тешко за тебе. Во моментов не сакаш да одиш во училиште и сакаш да останеш дома цел ден. Тоа е фрустрирачки и не оди онака како ти што сакаш“.
Толку често, доволно е само да се утврди состојбата и детето ќе излезе од автомобилот и ќе влезе во училиштето. Секако дека ќе го стори тоа неволно, но и двајцата сме спасени од драматичен излив. Користењето на оваа фраза „ова е тешко за тебе“ е одличен начин на комуникација и проверка колку држите со вашите родителски граници и има многу повеќе соработка со овој чекор.
„Си се смирил“
Еден од најлесните начини да им помогнете на вашите деца и да ги натерате да сакаат да ве слушаат е да ја извлечете сета сила од нив и добрите работи што ги прават. Кога мојот син беше во фаза на изливи на гнев, јас тоа го нареков „тренинг за сила“. Затоа, кога син ми конечно ќе престанеше да трча и ќе легнеше, ќе му кажев: “Се смири. Не сакаше да си легнееш, но, сега ја исфрли целата енергија, легна и може да заспиеш “. Ова е исто така одлична фраза за учење да слушате откако детето ќе се опорави од бесот. Секој пат кога вашето дете ќе почне да ги контролира своите емоции или да земе длабок здив, кажете му: “Се смири. Беше толку вознемирени, но запомни дека можеш длабоко да вдишиш и да се смириш”.
“Успеа“
Ова е уште една фраза што помага децата подобро да слушаат. Запомнете: колку повеќе истакнете дека е добро, толку повеќе такво однесување ќе се појави. Кога мојот син ќе го напуштеше училиштето и ќе влезеше во автомобилот со насмевка на лицето, ќе се свртев кон него и ќе му кажев: “Го успеа ова. Не сакаше да одиш на училиште утрово. Но, отиде и погледни. Среќен си и насмеан. Најде начин да ја решиш ситуацијата иако ти беше тешко “.
“Успеа да се стопираш“
Учењето на самоконтрола е нешто што бара голема доследност и пракса. Тоа е вештина што се учи со тек на времето, а особено е тешко за децата од една до шест годишна возраст да користат самоконтрола. Значи, за да го извлечете ова од карактерот на детето, особено е корисна оваа фраза „успеа да се стопираш“. Омилено време за користење на оваа фраза е кога детето сака да удри или да гризне. Јас обично кажувам вакво нешто: “Се стопира. Толки беше лут и сакаше да удриш, но, наместо тоа, отиде со столот и удри со тупаница во перницата. За тоа е потребно многу самоконтрола”.
