Јапонските деца се меѓу најздравите и најсреќните во светот, откри едно истражување објавено во научното списание The Lancet. Резултатите покажале дека јапонските деца имаат и најдолг животен век.
Иако јапонскиот стил на родителство е малку поразличен од нашиот, постојат неколку општи трикови кои навистина вреди да се пробаат ако веќе не се практикуваат.
- Пофалба за труд, а не за способност
Во Јапонија, детето секогаш се пофалува за својот труд, а не за способноста. Овој начин на охрабрување важи и кога детето има тешкотии со нешто, бидејќи родителите веруваат дека тогаш детето ќе вложи уште повеќе труд. - Почитување на прво место
Мало е веројатно да ќе видите јапонско дете кое се однесува лошо во продавница. Јапонските родители од најрана возраст ги учат децата да бидат почитливи кон постарите и да размислуваат како нивното однесување влијае на другите. - Ако не е далеку – оди пеш
Во Јапонија е сосема нормално да се видат мали ученици кои сами одат на училиште. Повеќе од 98% од децата пешачат до училиште, според Светската здравствена организација. Затоа јапонските родители од почеток ги учат децата дека до повеќето места можат да стигнат со своите нозе.
- Без викање
Во Јапонија дисциплината се нарекува „шицуке“ (shitsuke), што може да се преведе како „воспитување“. Наместо викање, во јапонското дисциплинирање, секогаш се размислува за последиците од постапките на детето. - Самостојност од почеток
Од најрана возраст, децата во Јапонија се учат да бидат самостојни и самоуверени. Затоа јапонските мали деца од почеток помагаат на родителите со домашните обврски, а и во градинка и во училиште продолжуваат со овие навики.
