Првото дете со себе носи многу промени, наеднаш целиот живот ви се менува од корен. Освен тоа, според порталот „Елтерн“, многу млади родители уште повеќе ги отежнуваат работите правејќи ги следниве пет типични грешки.
- ПРЕМНОГУ ГРИЖА
Дали бебето јадело доволно? Дали му е жешко? Дали спие доволно? Повеќето родители, особено оние со прво дете, се грижат за благосостојбата на нивното малечко 24 часа на ден – дури и ако нема причина за тоа. Кога ќе пристигне братчето или сестричката, повеќето веќе знаат дека овие грижи се обично неосновани и дека нема причина за паника секогаш кога детето ќе заплаче.
- ПРЕМНОГУ СПОРЕДУВАЊА
„Моето дете почна да седи кога имаше 5 месеци. Твоето веќе доста доцни со тоа“ – родителите обично повеќе ги земаат при срце ваквите коментари со своето прво дете. Во нив се вовлекува сомнеж и се прашуваат што не е во ред со нивното бебе или зошто другите деца на иста возраст се толку напредни. Веќе со своето второ дете, повеќето родители сфаќаат дека малечките се развиваат со свое, индивидуално темпо и дека нивното споредување е бесмислено и досадно.
Легнувањето подоцна нема да има директно негативно влијание на сонот, а доколку бебето тој ден изеде помала количина кашичка, нема да се разболи од глад. Со второто дете правилата повеќе не се почитуваат толку строго и додека постариот брат или сестра му го прекинуваат спиењето на бебето со гласно викање, родителите сфаќаат дека не е се така трагично
- ПРЕМНОГУ СОМНЕЖ ВО СЕБЕ
Доењето не функционира веднаш, бебето не сака во носилка, а заспивањето е катастрофа… Искусните родители знаат дека секој почеток е тежок. Меѓутоа, со првото дете, родителите многу брзо се запрашуваат: „Што правиме погрешно?“ Баш ништо, тоа што сите други бебиња околу вас сакаат да лежат во количка не мора да значи дека истото важи и за вашето дете. Одвојте време да се запознаете и верувајте им на вашите инстинкти. А ако навистина не знаете што понатаму, не плашете се да побарате стручна помош.
- ПРЕМНОГУ ИДЕАЛИЗИРАТЕ
Повеќето идни родители претпоставуваат дека доаѓањето на бебето ќе го промени животот од корен. Но, дури кога ќе се роди детето, сфаќаат дека е многу посилно отколку што замислувале. Дури и ако сте решиле да излегувате со пријателите еднаш неделно, а заедничкото спиење во семејниот кревет не доаѓало предвид во вашата имагинација, во реалноста тоа многу брзо може да испадне како пуста желба. Затоа намалете ги вашите очекувања и бидете отворени за нови работи и нов живот со своето дете.
- ПРЕМНОГУ ОГРАНИЧУВАЊА
„Кога бебето спие, никој не смее да пушта вода во тоалетот и сите мора да бидеме на маса за заеднички оброк“ – ви звучи ли ова познато? Многу родители кога ќе го добијат своето прво дете, се опседнати со рутината, што им поставува многу ограничувања. Но, структурата и сигурноста сигурно нема да бидат нарушени ако повремено отстапувате од правилата. Легнувањето подоцна нема да има директно негативно влијание на сонот, а доколку бебето тој ден изеде помала количина кашичка, нема да се разболи од глад. Со второто дете правилата повеќе не се почитуваат толку строго и додека постариот брат или сестра му го прекинуваат спиењето на бебето со гласно викање, родителите сфаќаат дека не е се така трагично.
