Многу мајки тешко наоѓаат време да се одморат од обврските кон децата и семејството. Постојат пет типични пречки кои ги спречуваат да го направат тоа, а еве и начини на кои можат да ги избегнат.
Чување деца и работа по дома без пауза
Грижата за децата и домашните работи се и напорни и бараат голем ангажман, тие се одвиваат секој ден и надвор од работното време, а на секој што работи му требаат паузи. Бидејќи дома нема пропишана пауза, мајките тоа треба да го направат сами. Ова не значи паузи кои се случуваат спонтано, на пример кога децата си играат тивко, а вие ќе седнете на софата да испиете кафе. Ова се нарекува момент на среќа и може да заврши за неколку секунди. Ова дефинитивно не е пауза.. планирајте време за одмор со тоа што ќе побарате од партнерот, бабата, дедото или бебиситерката да се грижат за детето додека не направите пауза.
Грижа на совест
Вработените мајки често имаат грижа на совест која им стои на патот до домор: тие трчаат од работа дома, за тие неколку слободни часови ги поминат со децата, во кругот на семејството. Но, исцрпената мајка под стрес не може никому да му помогне, особено не на своето семејство. Од друга страна, ако си дадете пауза еднаш неделно, сите ќе бидат поопуштени и порасположени, и од ова ќе има корист целото семејство.
Нејасни приоритети
Времето е најоскусниот ресурс кога имате мали деца. Само креативните решенија можат да помогнат. Најдобро е да се започне со листа на обврски, што е навистина потребно, а што не? Што е навистина важно за мене? Сигурно ќе треба да се одлучите помеѓу некои обврски, а ако само чекате спонтано да дојде времето за паузи, ќе погледнете наназад и ќе видите дека децата пораснале.
Ментално оптоварување
Успеавте да одвоите време да одморите, но вашата глава сепак е окупирана од некои други работи. Ваквиот одмор нема да има голема корист, или не сте го нашле вистинското место за одмор или не можете да се ослободите од стресните мисли. Обидете се со спорт. Или проблемот е повеќе во тоа што генерално ви е тешко да ја делегирате семејната работа на вашиот партнер? Тогаш, прво треба да се справите со овој проблем.
Лош избор
Ако не сте навикнати да правите паузи, прво мора да дознаете што е добро за вас. Единственото нешто што помага е да пробате повеќе начини за да се одморите. Отсега, планирајте редовни паузи и пробајте што можете да направите за да се опуштите. Одмор, спорт, читање или хоби – бидете подготвени да пробате неколку варијанти додека не откриете кој е вашиот начин да го победите заморот.
