Кога ќе станете родител, се грижите буквално за се и сешто, вклучително и за работите што никогаш претходно не ве загрижувале. Меѓутоа, кога имате дете, вашиот поглед на светот се менува, приоритетите се менуваат и се раѓаат нови стравови.
Се разбира, родителите имаат некои свои специфични стравови, но имаат и некои што ги споделуваат со речиси сите мајки и татковци во светот.
Имено, направено е истражување за да се утврди кои се најголемите стравови на родителите, а еве што открило:
- 30 проценти од родителите се плашат дека нивното дете ќе биде повредено во сообраќајна несреќа.
- 25 проценти од родителите се плашат дека некој ќе го повреди или нападне нивното дете.
- 23 отсто од родителите стравуваат дека нивното дете нема да се чувствува безбедно на овој свет.
- 14 проценти од мајките и татковците се плашат од киднапирање деца.
- Осум проценти од родителите се плашат дека нивното дете ќе биде жртва на некаков облик на злоставување.
Најголемите стравови на родителите зависат и од возраста на родителите, па се покажало дека помладите родители (на возраст меѓу 18 и 24 години) најмногу се плашат дека детето нема да се чувствува безбедно на светот. Нешто постарите мајки и татковци (од 24 до 44 години) се плашат дека нивното дете ќе биде нападнато, пренесува todaysparent.com.
Најстарата група анкетирани родители (од 45 до 65 години) биле најзагрижени дека детето може да се повреди во сообраќајна несреќа.
Иако е сосема нормално родителите да се грижат за многу различни работи кога се во прашање децата, имајте на ум дека стравот не треба да доминира во вашиот живот и да ве контролира. Ако страдате од анксиозност и не можете да ги контролирате вашите стравови, односно тие влијаат на вашето секојдневие, знајте дека не мора да биде така и разговарајте со доверлива личност или професионалец.
