Како да растете среќно дете? Стручњаците велат дека среќно дете е она кое знае дека е сакано, безбедно, кое на примери од мало учи како треба да се однесува кон другите, кое умее да каже што чувствува и гради убави односи со својата околина. Од раѓање, најважната улога во “правењето“ среќно дете играат родителите. Тие со пример ќе му покажат што е најдобро, тие секогаш ќе бидат тука за детето и од своето семејство и дома, без оглед дали е голема или мала, ќе направат најубав свет за него. Ова се навики на родители кои растат среќни деца.
- Никогаш не ги потценуваат чувствата на своето дете
Детето можеби не умее да каже како му е, што сака или дали нешто не е во ред. Но, родителите тоа ќе го препознаат и почитуваат, никогаш нема да речат „ма, не ти е ништо“. Дури и со мали деца, добрите родители ќе вложат труд да сослушаат и да ќе се обидат да помогнат. Децата кои пораснале со сочувство и грижа за другите стануваат луѓе кои така се однесуваат.
- Прават семејна традиција
И тоа не некоја “голема“, важна, поврзана за празник или некој настан. Родителите на среќни деца можат да направат традиција од се. Без разлика дали станува збор за пржени кришки во недела за појадок, прошетка во четврток до одредено место или некоја активност што се прави дома, на тој начин го навикнуваат детето на дружење и убави работи на кои секогаш може да се радува. Прават традицијата на своето семејство и ја градат токму според своите желби и потреби!
- Покажуваат љубов
Родителите можат да покажат љубов со зборови, но можат и со мали гестови, прегратки, бакнежи. Со омилено јадење кога детето е нерасположено или мала домашна веселба кога ќе постигне некој успех. Среќно дете е сакано дете, кое знае дека мама и тато се секогаш тука за него.
- Кога е тешко си играат – надвор!
Кога детето е нерасположено или луто поради нешто што се случило надвор од дома, најдоброто нешто што можете да направите е да го изнесете надвор. Физичката активност ќе му помогне да се ослободи од негативната енергија, а ќе ја зајакне вашата врска и на тој начин ќе му овозможите да го заборави грдото сеќавање од тој ден, и да се сети колку му било убаво додека сте си играле. А следниот пат ова пробајте го и ако вие сте имале тежок ден на работа или сте нервозни, веднаш ќе се распложите.
- Им ја покажуваат убавината на светот што ги опкружува
Ги носат децата во природа, разгледуваат со нив слики и снимки од далечни, прекрасни места. Ги учат за животните, птиците, но и убавите работи што ги нуси човечката имагинација. Им читаат, пеат и цртаат заедно со нив.
