Родителите се најважната компонента во животот на детето, растењето и воспитувањето. Но, нивното однесување, емоции и искуство на исти работи може да бидат многу различни. Дури и истиот образовен пристап може да се примени поинаку. Ваквите спротивни ставови обично се добри за детето бидејќи го добива најдоброто од двата света, иако овие ситуации понекогаш знаат да бидат малку комични.
Погледнете во кои ситуации и на кој начин често се случуваат разлики во мислењата.
- Спиење со детето
Мајките повеќе сакаат да го делат креветот со своето дете отколку татковците. Додека тие уживаат во моментите на блискост и гушкање со нивното малечко што лежи до нив, татковците често стравуваат дека може да го повредат детето ноќе. Многумина од нив дури го напуштаат креветот и одат да спијат на каучот за детето да биде безбедно ноќе.
- Детето плаче ноќе
Првиот плач или викање и мајките се на нозе и трчаат да видат што се случува и што го вознемирило бебето. За разлика од нив, се чини дека татковците немаат толку силно сетило за слух. Повеќето од нив можат без проблем да го преспијат детското врескање.
- Детето е вознемирено или луто
Мајките се биолошки повеќе врзани за децата и секогаш ќе ги тешат, смируваат и ќе се обидат да сфатат што ги вознемирило. Лекот на тато за такви ситуации е физичката активност која ќе ја смири напнатоста и ќе му помогне на детето да го ослободи гневот.
- Играње со детето
Мајките сакаат значајна, мирна игра каде што ќе направат сè за да го направат детето пријатно и удобно. Ќе си игра со нив, ќе ги мотивира и забавува. Татковците се повеќе од акција. Тие сакаат да ги научат своите деца толку многу работи, од фудбал до врзување јазли, па децата со нив добро ќе се препотат.
- Раскажување приказни
Мајките сакаат да му ја пренесат на своето дете сета убавина на приказната што ја читаат и самата порака што таа ја носи. Секако, љубовта, поддршката и среќниот крај се најважни. Со татковците е малку поинаку. Цензура не постои, а сите грди детали од приказната ќе испливаат на површина. Приказната не мора да биде убава или да има среќен крај, бидејќи животот не е само мед и млеко.
