Никој не рекол дека воспитувањето дете е лесна работа. Мора постојано да бидете „будни“, да се трудите, да ги пронајдете вистинските зборови во вистинско време, да се научите да бидете трпеливи… Ако некои денови едноставно сте „извадени од такт“, уморни и на пред експлозија и чувствувајте се како да сте потфрлиле на сите фронтови… не грижете се, не сте сами.
Сепак, недостигот на дисциплина или, поинаку кажано, „невоспитувањето“ не е нешто привлечно и пожелно и може да се претвори во сериозен проблем. Понекогаш е толку лесно да се најде оправдување за однесувањето на вашето дете и тоа е во ред…понекогаш.
Но, ако продолжите да барате изговори за однесувањето на вашето дете, тоа нема да доведе до ништо друго освен понатамошно лошо однесување. Ова се најчестите изговори кои ги даваат родителите за да не преземаат нешто кога нивното дете се однесува лошо. И да, сите тие се лоши:
- Вашето дете е под стрес
Децата понекогаш се под стрес затоа што доживуваат нешто лошо. На пример развод или малтретирање на училиште. Тешко ни е да се справиме бидејќи никој не сака неговото дете да страда. Но, тоа не е оправдување за лошото однесување. Всушност, децата под стрес повеќе ќе имаат корист од дисциплината отколку да ги препуштите сами на себе. Покажете му на вашето дете дека можете да го заштитите со поставување ограничувања.
- Не сакаше да го направи тоа
Детето не треба да биде одговорно ако случајно истури чаша сок, туку треба да помогне да се исчисти истуреното. Ако само коментирате „не мора да го допираш, случајно беше, мама ќе го исчисти“, давате премногу слободен простор и не можат да прифатат одговорност за своето однесување.
Ако детето го турне брат му, со изговор „не сакав, случајно беше“, а вие го прифатите, ќе научи дека од се може да се извлече со извинување. Но, тоа не функционира така во реалниот живот. Шефот нема да падне на изговорот „не мислев така“ и слично.
- Не сте поминале многу време со нив
Немавте многу време да поминете со вашето дете поради многу обврски, па не сакате тоа време да ви биде исполнето со забрани и ограничувања… Но, ако го оставите вашето дете да прави што сака во тоа време, никој од вас нема да се чувствувате добро на крајот. Без разлика на времето, поставете граници и ќе видите квалитетен адут.
- Децата се деца
Нормално е децата да бидат палави, да прават вака или онака. Затоа што децата се сепак деца! Но, некои однесувања не треба да се оправдуваат бидејќи некои правила не треба да се прекршуваат. Така ќе ги научите децата како да станат поодговорни возрасни луѓе.
- Премногу сте уморни за приговарање
Чувствувате дека веќе немате сила да се противите. Не денес. Сепак, колку и да изгледа тривијално, не е, пронајдете ја потребната сила за да останете доследни на вашата дисциплина. Затоа што дополнителното време денес ќе значи помалку работа за еден месец.
Сметајте го за инвестиција што ќе се исплати по патот.
