Некои студии покажуваат дека се потребни минимум девет месеци за женското тело да се врати на телесната тежина пред породувањето.
Но, пред да почнете да вежбате побарајте совет од лекар, а за да си го олесните враќањето на старата тежина, избегнувајте ги овие 5 чести замки.
- Премногу здрави намирници
Иако здравите намирници се најважни, особено ако доите, имајте на ум дека и здравата храна содржи калории. Намирниците кои содржат здрави масти, како јаткасти плодови, интегрален ориз, производи без глутен, се примери за храна што дава енергија и се одлични за мајката. Но, кога консумирате повеќе калории отколку што е потребно на вашето тело, дури и оние од здравата храна, тие ќе се складираат во телото како масно ткиво. Затоа бидете внимателни со големината на порциите и одвојте време за читање на етикетите.
- Хормон кортизол
Кога бебето ќе дојде дома, следи период на прилагодување во кој родителите малку спијат. Кога количината на сон се намалува, расте нивото на хормонот кортизол што резултира со потешко регулирање на метаболизмот кај жената. Но, ова е неизбежно во новото мајчинство. За да направите баланс, обидете се да го намалите стресот.
Премногу вежбање или преран почеток
Освен заморот што го чувствува, жената треба и целосно да се опорави од породувањето, за да се врати на физичката активност. Жените кои вагинално се породиле треба да почекаат најмалку 6 до 10 недели пред да почнат со било какво вежбање, но и да се посоветуваат со лекар. Прераниот почеток или премногу вежбање може да доведе до компликацци или до исцрпеност. Кога лекарот ќе ви каже дека може да вежбате, посоветувајте се со стручно лице кои вежби да ги избегувате.
- Важна е поддршката
Слабеењето бара и поддршка од семејството. Не плашете се да исфрлите храна што не ви одговара. Ако напредокот оди пополека, не губете волја, најважно е да сте здрави.
- Нереални цели
Застанете за момент, длабоко вдишете и проверете што денес може да направите за да бидете поблизу до целта. Студиите покажуваат дека најдобро е да се слабее по еден до два килограми неделно.
