Најчесто, момчињата се во друштво на жени, почнувајќи од нивните мајки, градинка и училиште каде 90 отсто од вработените се жени, па не е погрешно да се каже дека на момчињата понекогаш им недостасува „машко образование“. Иако оваа листа важи за секое дете, без разлика дали е девојче или момче, прочитајте ги петте работи на кои секој татко треба да го научи својот син:
1. Да му објасни колку е важно да знае да победи, но и да изгуби
Освен пријателите, кој го сочинува најдоброто друштво на детето кога се во прашање натпреварувачките игри? Тато. Преку ваквите игри детето ќе почувствува какво е чувството да се победи и ќе сфати колку труд е потребен за да се победи. А, за тато, ваквите игри се одлична можност да му објасни на синот дека поразите се неизбежни. Без разлика на полот на детето, секој родител треба да го научи детето дека нема ништо срамно во поразот, згора на тоа, ако „паднеш“, треба само да станеш и да продолжиш.
2. Да го научи како да се однесува кон жените
И мајката може да му каже на синот како да се однесува со жена, но само таткото може да го покаже тоа со својот пример. Најважно е момчињата да учат такви работи од својот татко – не од пријатели и не од Интернет. Покажете му на вашиот син како да се однесува со жена во секојдневни ситуации: нека купи цвеќе за мама со вас, а кога сте во продавница – учтиво разговарајте со продавачката за детето да не се двоуми да комуницира со непознати жени. На вашето момче најголемо влијание ќе имаат малите и секојдневни гестови.
3. Разговарајте за љубовта
Кога ќе дојде време, научете го вашиот син за моќното чувство на љубов. За тинејџерот секако ќе биде скапоцен подарок доколку татко му зборува за неговата прва љубов, запознавањето и да го научи дека не треба да брза бидејќи подобро е да ја чека вистинската личност која ќе му ја ’запали’ искрата.
4. Како да се залага за себе
Секој татко треба да го научи својот син како да се залага за себе и како мирно да реагира во провокативни ситуации. Повторно, детето најдобро се учи со пример и со покажување дека љубезноста не е слабост.
5. Да му помогне да го најде својот поглед на светот
Вие дури и не треба да правите ништо посебно освен да бидете тука за вашето дете и да разговарате со него. Ваша задача е да му покажете на детето дека не е само мама со која може да разговара и има свои очекувања и барања, туку дека и вие постоите, како личност со поинаков пристап. Се разбира, кога станува збор за воспитувањето на детето, родителите треба да бидат на иста страна. Но, во однос на погледот на светот, нивната филозофија може да се разликува и тоа е сосема нормално. Со помош на таткото, детето ќе научи дека постојат различни погледи за исти појави, ќе научи да анализира и да формира сопствен поглед на светот.
