Многу луѓе традиционално сакаат да го поминат Први мај во природа, со скара или некоја друга храна. Доколку планирате да ги однесете децата во природа, прочитајте неколку совети кои ќе ви погрижат сите да уживате.
1. Одберете ја вашата локација паметно
Во зависност од возраста на вашите малечки, можеби ќе сакате да избегнувате места што имаат вода во близина, како што се реки или езера. Прво, децата дефинитивно ќе сакаат да влезат во вода, а вие веројатно нема да им дозволите, па може да дојде до конфликт што потенцијално може да ви го уништи денот. Второ, ако децата се многу мали, нема да можете навистина да се опуштите во близина на водата и ќе мора да бидете постојано покрај нив за да не се случи некој случај да падне во вода.
Освен тоа, при изборот на локација на која ќе одите, земете предвид дека би било добро да имате каде да се засолните доколку, да речеме, почне да врне или нешто слично. Исто така, ако е навистина топло и сончево, имајте на ум дека сепак ви треба локација каде што ќе можете да се засолните или да се заштитите под чадор.
2. Како ќе стигнете таму
При изборот на локација каде што можете да поминете еден ден во природа, земете предвид колку време ви е потребно да патувате до таа дестинација, но и како ќе стигнете таму.
3. Не се оптоварувајте премногу за храната
Повеќето луѓе подразбираат дека за Први мај се пече месо на скара, но можеби не е лоша идеја да земете и нешто резерва за децата. Децата, дури и ако сакаат месо, понекогаш знаат да бидат неодлучни дали да јадат ова или она, па може да ви го спаси денот ако имате при рака неколку сендвичи да им дадете. Можете да понесете и грицки – крекери, овошје… Не оптоварувајте се премногу за подготовка на некои јадења, земете нешто што веќе го имате во фрижидер.
4. Што да спакувате
Покрај храната, добро би било да понесете и чаршаф или ќебе на кое ќе можете да седнете некаде во природа. Исто така, можеби е добро ако имате крема за сончање во вашата чанта, шише вода, средство за дезинфекција на раце, влажни марамчиња…
Во зависност од возраста на децата и нивните интереси, можеби ќе ви биде корисно да понесете топка, некои книги, некои од нивните омилени играчки…
5. Во што да се спакувате
Кога ќе се спомне пикник или патување во природа, првата асоцијација за многумина е убава плетена корпа, како оваа што ја гледаме на сликите. Сепак, повторно во зависност од возраста на децата, дали треба да ги носите и слично, размислете за опцијата да ги спакувате во ранец или голема торба, за да ви бидат слободни рацете.
