Секој кој е родител знае дека воспитувањето деца е работа 24/7 и на крајот на денот нема гаранција дека сме го направиле тоа успешно. За среќа, постојат некои правила кои можеме да ги примениме за барем да сме сигурни дека сме на вистинскиот пат нашето дете еден ден да порасне во среќна и успешна личност. Експертите ги издвојуваат овие 7 штетни навики кои мора да ги избегнувате доколку еден ден не сакате да се разбудите покрај разгалено дете.
- Детето – центар на светот
Ако му ја исполнувате секоја желба на вашето дете и одговорите на сите негови барања, тоа ќе заклучи дека светот се врти околу него. На пример, вашето дете сака чоколадо во 23 часот навечер (што го немате дома) и трчате до блиската продавница да ја купите.
- Игнорирање на позитивно однесување
Денешните зафатени родители не забележуваат кога децата играат мирно и тивко или избегнуваат палавштини. Ако никогаш не им дадете до знаење дека сте задоволни со нив и нивното однесување, пропуштате можност да поттикнете позитивно однесување.
- Несвесни пораки
Ако забележите и му посветувате внимание само кога плаче и негодува, вие му испраќате порака дека бесот и солзите се најдобриот начин да го привлече вашето внимание.
- Детето нема ограничувања
Една од задачите на родителот е да го научи детето на социјалните вештини, како што се трпение и почит. 
- Непоставување цврсти граници
Ова се случува кога ќе му забраните на детето нешто, но на крајот попуштате, бидејќи понекогаш тоа ви е полесен или немате сила да преговарате. Ако нешто му е забрането на детето, а потоа следниот ден му е дозволено, не знае до каде му се границите и до каде може да оди.
- Не го учите детето на одговорност
Ако не го научите вашето дете на одговорност кога има направено нешто што ви изгледа лошо, вие му испраќате порака дека никогаш не греши. Научете го вашето дете да преземе одговорност за своето однесување. Нека ги искуси последиците од своите грешки.
- Давање подароци од погрешни причини
Не дозволувајте детето да ве манипулира. На пример, да му купите нов велосипед затоа што му здодеал тој што сте му го купил пред неколку месеци. Или ако детето во афект ви каже дека не ве сака, па ќе му купите подарок за да го расположите.
