Поголемиот дел од возрасните, детскиот живот го гледаат како среќен и безгрижен. тоа е далеку од вистината, иако децата не морат да се грижат за работи за кои се грижат возрасните и нив ги мачат бројни работи.
Како децата растат и добиваат нови одговорности, како и обврски, така стануваат се почувствителни на стрес. Дури и многу мали деца имаат грижи и чувствуваат стрес во одредена мера. Стресот кај децата може да биде исклучително опасен бидејќи хормонот на стрес (кортизол) ја намалува ефикасноста на имуниот систем, со што детето станува поподложно на разни болести.
Притисок од училиште, рокови, запознавање на нови луѓе, привикнување на нови животни ситуации или балансирање помеѓу обвските во училиште, родителите и социјалниот живот, лесно може да доведат до чувство на стрес кај многу деца. Поради тоа, важно е родителите да разберат и да умеат да ги препознаат знаците кај децата кои укажуваат на стрес.
- Проблеми со варењето
Проблемите со желудникот, мачнина, повраќање или дијареа многу лесно може да бидат симптоми на стрес кај училишните деца, особено ако често се појавуваат и изгледаат како да преминале во хронична состојба.
- Срцеви проблеми
Зголемен број на отчукувања на срцето, срцебиење и висок крвен притисок се симптоми кои може да се појават кога детето е под стрес. Доколку траат подолго, ваквите симптоми може да предизвикаат реални срцеви болести. Поради тоа, на учениците кои чувствуваат забрзано чукање на срцето им се препорачуваат вежби за длабоко дишење или други активности кои можат да ги опуштат како би се намалил стресот и отчукувањата на срцето да се вратат во нормала.
- Болки
Главоболка, болка во градите, болка во грбот или генерално болки во телото, односно мускулите, може да се појават кога детето е под стрес. Овие болки понекогаш може да создадат заблуда дека станува збор за некоја реална физичка болест. Олеснување на детето може да му пружат активности кои ги опуштаат, како на пример цртање, сликање, игра со топка.
- Спиење
Промена на навиките на спиење исто така се знак на стрес. Некои деца можат да спијат многу повеќе од вообичаено, а тоа всушност е одбранбен одговор на организмот од стресот. Сепак, многу побројни се оние кои имаат проблеми со спиењето и ноќе остануваат будни со различни анксиозни мисли за изворот и причината на својот стрес.
- Ослабен имун систем
Некои деца почесто се разболуваат од своите врсници. Една од можните причини е што нивниот имун систем едноставно е ослабен од стресот, поради што се почувствителни на вируси и на болести.
- Промени во телесната тежина
Исто така, можно е децата едноставно да се свртат кон храната за полесно да се изборат со својот стрес, додека пак други може да го изгубат апетитот и да почнат да ги прескокнуваат редовните оброци. Овие нездрави навики многу лесно може да доведат до дебелеење или намалување на телесната тежина.
- Физиолошки промени
Одредени физиолошки реакции се активираат кога умот ќе почувствува дека телото е во опасност. Кога тоа ќе се случи, хормоните на стресот – кортизол и адреналин го преплавуваат телото предизвикувајќи неколку физички промени. Забрзано дишење, метаболизмот и срцето се забрзуваат за да се овозможи побрз проток на крвта. Сетилата се изоштруваат, а потењето се зголемува за да телото под стрес побрзо се олади.
