Иако децата наследуваат гени од двајцата родители, истражувањата покажуваат дека гените поврзани со интелигенцијата често доаѓаат токму од мајката. Сепак, експертите нагласуваат дека генетиката не е единствениот фактор – средината во која детето расте и начинот на воспитување имаат големо влијание врз неговиот развој.
Истражувачи од Универзитетот во Вашингтон тврдат дека децата почесто ја наследуваат интелигенцијата од мајките. Според нивните анализи, жените почесто ги пренесуваат гените кои влијаат на интелектуалниот развој, бидејќи тие се пренесуваат преку X хромозомот.
Жените имаат два X хромозома, додека мажите имаат само еден, па токму затоа научниците сметаат дека мајките имаат поголема веројатност да ги пренесат гените поврзани со когнитивните способности.
Од друга страна, ново истражување спроведено од научници во Шкотска покажува дека и татковците пренесуваат гени поврзани со напредни когнитивни функции. Сепак, според нивните резултати, овие гени често остануваат неактивни или потиснати.
Со други зборови, дури и ако детето наследи одредени гени поврзани со интелигенцијата од таткото, тие не мора нужно да се активираат.
За подобро да ја разберат оваа поврзаност, истражувачи од Глазгов анализирале податоци од долгогодишна студија во која учествувале 12.686 млади луѓе на возраст од 14 до 22 години. Учесниците биле следени секоја година од 1994 година, а во анализата биле земени предвид различни фактори како образованието, социоекономскиот статус и други околности кои можат да влијаат врз развојот.
Резултатите покажале дека коефициентот на интелигенција на мајката бил најдобар показател за интелигенцијата на децата. Според истражувањето, коефициентот на испитаниците во просек се разликувало за околу 15 поени од коефициентот на нивната мајка.
Научниците спровеле и експеримент со генетски модифицирани глувци. Кога на глувците им била додадена поголема количина мајчини гени, тие развиле поголем мозок и релативно помало тело. Од друга страна, кога им биле додадени повеќе таткови гени, имале помал мозок и поголемо тело.
Заклучокот од истражувањето укажува дека мајчините гени имаат значајна улога во развојот на мозокот, додека татковите гени повеќе се поврзани со физичкиот развој.
Сепак, научниците нагласуваат дека генетиката не е единствениот фактор кој ја одредува интелигенцијата. Околината, воспитувањето, образованието и стимулирачката средина исто така играат огромна улога во развојот на когнитивните способности кај децата.
Според проценките, децата наследуваат помеѓу 40 и 60 проценти од гените од своите родители.
