Кои се тие навики кои сте ги криеле во бременоста? Ова се осум работи кои жените ги прават, но никому не сакаат да ги признаат, бидејќи се плашат од осуда.
Сте играле на картата “извинете, бремена сум“
„Извинете, но тешко ми е оти сум трудна“. Дали некој пат сте се нашле во ситуација кога сте се чувствувале добро, но сепак сте се одлучиле да го искористите моментот дека сте бремена. На пример сте и кажале на вашата свекрва дека не можете да дојдете на ручек, оти сте исцрпена? Или пак на својата пријателка сте и го одложиле кафето оти таа е нервозна и му пречи на желудникот повеќе од кафето. Да, знаеме дека сте го направиле тоа, и сосема е во ред да ја искористите бременоста како изговор, од време на време.
Сте заспале на работното место
Тешко ви е спиењето навечер, но штом дојдете на работа вие се чуствувате исцрпено. Знаеме дека бремените жени некој пат дремат во текот на работното време. Можеби истото и вам ви се случило, и тоа е во ред, обвинете ја бременоста,. Но, внимавајте навиката да не ви остане и по бременоста.
Сте јаделе храна за која лекарот ви кажал дека е забранета
Зашто сета вкусна храна е забранета во текот на бременоста? Некои трудниви навистина “тешко“ преживуваат без неколку шолји кафе или омилениот сендвич со пршута. А, се се тоа намирници без кои треба да издржите во текот на бременоста. Сувомеснатите производи во себе носат листерија, ако не се пастеризирани, што може да доведе до некои компликации. Од кофеинот може да се случи почесто да уринирате, што може да ја намали течноста во организмот и калциумот.
Сте се фотографирале гола
Последниве децении многу познати трудници позираа голи на насловните страници на списанијата. Дали и вие истото би го направиле? Иако не е исто, многу мајки имаат такви фотографии во приватната колекција. Ако се чуствувате удобно и вие уживајте во таквото сликање!
Сте имале зголемен сексуален нагон
Никогаш не ви било доволно сексуални односи, без разлика каде сте се наоѓале, колку било часот или дали вашиот партнер спиел. Вие едноставно сте морале да го направите. Зголемениот сексуален нагон може да биде симптом за бременост. На многу жени им се случува да “полудат“ за секс за време на бременоста, а има и такви кај кои е обратно. Уживајте додека трае, и додека лекарот ви каже дека е безбедно.
Несреќна сте поради полот на детето
Знаеме дека на сите сте им зборувале дека полот на детето не ви е важен. Но, знаеме и дека некои од вас биле скршени кога го дознале полот на бебето. Во ред е да се чувствувате вознемирено, но важно е да го исфрлите тоа од себе. Сигурно сте биле многу среќна кога се поминало и кога сте го запознале него или неа.
Сте пиеле алкохол
Обично се вели дека алкохолот не е дозволен во бременоста, но знаеме дека трудниците си дозволуваат по некоја голта вино или пиво. Иако сте уверени дека еден пијалак понекогаш нема да предизвика никакви последици, треба да се биде претпазлив. Повеќето од стручњаците и понатаму предупредуваат на штетноста на алкохолот, без разлика за која количина или вид на алкохол станува збор.
Сте пушеле
Тешко е да се одвикнете од некои навики. Некои жени мислат дека префрлање на послаби цигари може да биде побезбеден избор, и некој пат палат по некоја цигара. Но, всушност воопшто не треба да пушите, оти е штетно и за бебето и за вас, Ако жената пуши во бременоста, голема е веројатноста да роди дете со мала родилна тежина, а пушењето во бременост е причина за 10 проценти од вкупната смртноста кај новороденчињата.
