Американскиот адвокат Тајлер Самерс, кој е специјализиран за предбрачни договори и разводи, неодамна откри дека луѓето во нивните 20-ти се премногу млади за да стапат во брак. Тој ги советува младите да почекаат барем до 30 години за да го кажат судбоносното да.
„Во вашите 20-ти, сè уште се барате себеси. Немате поим што сакате долгорочно“, смета овој адвокат од Бостон и додава дека ако почекате десет години, ќе имате подобра финансиска стабилност и подобро ќе се разбирате себеси.
„Луѓето кои стапуваат во брак на 30 или повеќе години изградиле кариера. Можеби имаат повеќе пари, позрели се. Подготвени се за долга, посветена врска. Послушајте ги мудрите зборови на адвокат за развод и не женете се во 20-тите“, истакнува Тајлер.
„Личноста со која ќе се венчате на 21 година е сосема друга личност кога ќе наполни 28 години“, заклучува адвокатот.
Самерс го сподели својот совет на социјалните мрежи, а видеото предизвика големо внимание и бројни реакции.
- „Стапете во брак кога сакате, не постои вистинска возраст“, сметала една личност.
- „Секој кој не се согласува со вас, сега е во своите дваесетти“, се пошегува друг.
- „Според мене, стапувањето во брак на млада возраст ве тера да растете и да се формирате заедно. Се омажив на 21 година и не се каам за тоа“, порачала трета личност.
Инаку, една студија на Psychology Today од 2016 година покажува дека паровите кои стапуваат во брак во нивните 20-ти имаат 50 отсто поголеми шанси да се разведат во однос на паровите кои подоцна се венчаат. Истата студија покажала дека најдобро време за брак е помеѓу 28 и 32 години.
