Бременоста носи бројни промени на телото. Некои од нив се предизвикани од хормоналната нерамнотежа, како што е случај кога се акните во прашање. Поради зголеменото производство на андрогени хормони, лицето на бремената жена може да стане помасно, а со самото тоа и посклоно кон воспаленија и акни. Во бременоста сепак треба прво да се размисли за природни методи на лекување.
Јаболковиот оцет е одличен природен лек за трудничките акни. Обично парче памук натопете го со јаболков оцет и со него исчистете го лицето. Користете нерафиниран оцет кој ќе го отстрани вишокот себум.
Друг можен лек е медот, кој има антибактериско и противвоспалително дејство. Измијте го лицето со топла вода, а потоа на проблематичните делови нанесете мед. Оставете да делува 20 минути, па измијте го со топла вода.
Ако сакате да направите домашна маска за лице, може да испробате комбинација на овес и краставици. Изблендирајте овесни снегулки, свежа краставица и малку мед, и смесата нанесете ја на лицето. Оставете маската да делува 15 минути, а потоа лицето измијте го со топла вода.
Сода бикарбоната има својство на сушење. Измешјате една лажица сода бикарбона со лажица вода, за да добиете паста и нанесете ја на лицето. Измијте ја од лицето, кога целосно ќе се исуши.
За да ги отворите порите, може да направите пилинг со помош на лимонов сок. Сок од исцеден лимон ставете го на памук, па на лицето. Оставете да делува 10 минути, па измијте го лицето со ладна вода.
