Кога детето ќе почне да го боли грлото, првото нешто што го правиме е да почнеме да помагаме на вообичаените начини: подготвување топол чај со лимон, загревање на облоги загрлото, завиткување шал околу грлото…
Но, во случај на акутни респираторни инфекции, кога боли грлото, овие природни лекови може да бидат контраиндицирани. Загревањето на грлото е опасно бидејќи може да предизвика раст на бактерии и отекување на слузницата, предупредува отоларингологот, д-р Олга Заицева за порталот Parents.ru.
Не треба да се занесувате со облоги и топол чај од истата причина, но потребни се многу топли (не жешки) напивки. Голема грешка е и да се инхалирате кога постои воспаление на грлото: влажниот и многу топол воздух го оптоварува ослабеното тело и постои опасност од компликации.
Уште една вообичаена заблуда е потпирањето на мандарини, портокали и чај со лимон за време на респираторна инфекција. Многумина веруваат дека витаминот Ц, кој се наоѓа во големи количини во цитрусното овошје, помага во борбата против инфекциите. Но, во исто време киселината ги иритира веќе воспалените ткива на грлото. Затоа е подобро да избегнувате кисела храна за време на иритирано грло.
„Идеални производи кои може да се сметаат за безбедни дури и за децата се производите на база на лизозим (супстанција која спаѓа во класата на природни антибактериски ензими). Тие помагаат да се зголеми локалниот имунитет, што е важно кај воспалено грло, бидејќи тоа е природен ензим кој се наоѓа во човечко тело“, објаснува д-р Зајчева.
