Децата често се болни, оти немале можност да бидат изложени на вируси како би се развил имунитетот, за што се потребни повеќе години. Постојат околу 200 различни видови на вируси кои предизвикуваат настинка,а тие не се лекуваат со антибиотици, па од таа причина домашните лекови се прва линија на одбрана од вируси, но и помош кога детето е болно.
ЗОШТО ОДМОРОТ Е НАЈВАЖЕН?
Додека спиеме телото и организмот се опоравуваат од изминатиот ден, но и од болести. Ако се работи за вирусно заболување, најдобро е детето да не оди во училиште, за болеста да не се шири.
- Дозволете му да спие најмалку од 8-10 часа
- Нека одмора додека не покаже дека се чувствува подобро
- Дури и ако детето не сака да спие, ограничете ги неговите активности
- Не заборавајте на течности
Најважно е детето да не дехидрира, оти на телото му е потребна вода за да остане здраво. Важно е дас е запомни дека телото, кога е под темепература, треска или под влијание на настинка, побрзу губи течности.
Многу течности е задолжително и ако детето:
- Има температура
- Повраќа
- Се поти
Наместо вода може да му понудите
- Сок
- Чај
- Супа
- Млеко
Како да знаете дали детето пие доволно течности?
Ако не се работи за дехидрација, урината треба да има светло жолта боја, а течноста ќе овозможи полесно искашливање и издувување на носот.
