Кога ќе добиете бебе, тоа ви се чини како да сте во магичен круг на хранење, пресоблекување и успивање. Додека менувањето на пелени тече рутински и едноставно, успивањето на бебе некогаш може да биде многу напорно. А знаете ли колку време трошиме на тоа?
Едно истражување покажало дека родител поминува 1.977 часа годишно во успивање на детето, односно 82 дена во годината. Родителите во истражувањето зборувале за нивните редовни навики. Се покажало дека во успивање тие поминуваат пет часа и 25 минути дневно.
Сите родители се обидуваат да го најдат најдобриот начин да го заспијат бебето. Некои им читаат, други се возат со автомобили, а некои прават безброј кругови низ станот. Во просек, оние што шетаат со бебето низ куќата поминуваат еден час и 20 минути дневно во тоа, оние што читаат морале да поминат по 17 страници дневно, а оние кои се возат тоа го правеле 41 минута дневно.
