Според студија од 2007 година објавена во списанието „Развојни истражувања“, околу една третина од малите деца во одреден момент ќе развијат „интензивен интерес“ за некоја тема, а една од најпопуларните е опсесијата со диносаурусите.
Ако вашето дете има опсесија со диносаурусите и го знае секој факт за Т-Рекс – опуштете се и уживајте!
Зошто? Па, вашиот дино-љубител има тенденција да биде со натпросечна интелигенција со зголемен опсег на внимание, да има подобри јазични вештини и обработка на информациите. Накратко, децата кои сакаат диносауруси ќе бидат подобри и попаметни ученици, а тоа го докажуваат и неколку одделни студии посветени на она што научниците го нарекуваат „интензивни интереси“.
Според студија од 2007 година објавена во списанието „Развојни истражувања“, околу една третина од малите деца во одреден момент ќе развијат „интензивен интерес“ за некоја тема, а една од најпопуларните е опсесијата со диносаурусите. Сè уште не е познато што го предизвикува овој интерес, но сигурно е дека децата на возраст од две до шест години можат да именуваат повеќе диносауруси отколку нивните родители. Педијатрискиот психијатриски терапевт Кели Чен смета дека ова е доказ дека можете да учите, а без да знаете дека тоа го правите.
Ако вашето дете има опсесија со диносаурусите и го знае секој факт за Т-Рекс – опуштете се и уживајте
„Поставување прашања, наоѓање одговори и стекнување стручност е општ процес на учење. Истражување на темата и нејзино усвојување е корисно затоа што така го обликуваме знаењето“, објаснува Кели Чен и додава дека основната професија на децата е игра, па најдобро учат преку неа. Фактот што децата сакаат да покажат дека знаат повеќе и подобро од нивните родители, исто така игра голема улога.
„Ако родителот може да именува три или четири видови диносауруси, а детето 20, во себе ќе развијат чувство на авторитет“, смета палеонтологот Кенет Лаковара.
Споменатото истражување покажало дека интересот за одредена тема кај децата значително се намалува во рок од шест месеци до три години, но она што децата ќе го научат преку својата опсесија останува трајно за цел живот.
