Алергиските болести, заедно со акутните заразни болести на респираторниот систем, се најчестите болести во детството, вели д-р Лукрица Зимиќ. педијатар-алерголог/пулмолог. Истражувањата ширум светот покажуваат дека алергиите се болести на модерната цивилизација, почести се колку се полоши социо-економските и еколошките фактори, а за нивната појава одговорна е и наследноста. Бројот на новозаболени постојано се зголемува, особено кај децата и младите. Студиите покажуваат дека бројот на нови случаи се удвојува на секои десет години.
Секоја година во периодот на цветање на одредени растенија, милиони луѓе ширум светот страдаат од алергиски ринитис. Сензибилизацијата на полен зависи од алергенските својства на честичките на поленот, како и од климатските услови и карактеристиките на животната средина.
СИМПТОМИ СЕ:
- Кивање
- Воденест секрет од носот
- Затнат нос
- Чешање на носот и очите
- Главоболка
- Раздразливост
- Лоша концентрација
- Отежнато дишење
- Гушење
- Сува, надразлива кашлица
