Повеќето жени за време на бременоста избегнуваат алкохолни пијалаци оти знаат дека тоа не е добро за бебето. Но, што се случува по породувањето?
Ова е се што треба да го знаете за консумирањето алкохол за време на доењето.
Дали смеам да пијам алкохол додека дојам?
Се покажало дека умереното консумирање алкохол не е катастрофа додека доите,. Една стандардна чаша вино или пиво два пати неделно е сосема во ред, истакнуваат стручњаците на американскиот Ценатр за контрола на болести и додаваат дека е важно да се држите до таа една чаша, оти поголема количина на алкохол би му наштетила на бебето и би влијаела на неговиот раст и развој.
Како алкохолот влијае на моето бебе?
Според зборовите на стручњаците, алкохолот стига во мајчиното млеко, но во многу мали количини. Алкохолот во крвта се зголемува 30 до 60 минути по консумирањето на пијалак, додека во мајчиното млеко стига два до три часа во просек. Сепак, важно е да имате на ум дека количината на алкохол во крвта зависи од многу фактори, што вклучуваат телесна маса, брзината на консумација, храната што сте ја јаделе…
Дали и на кој начин алкохолот влијае на продукцијата на млеко?
Окситоцин, хормон кој влијае на лактацијата, се потиснува тогаш кога се комбинира алкохолот и доењето. Студиите покажале дека пиењето алкогол може да ја намали количината на мајчиното млеко. Ако забележите намалување на млекото, откажете се од својот пијалак.
После колку време од консумацијата на алкохол можам да дојам?
Штом престанете да ги чувствувате ефектите од алкохолот, сосема е безбедно да го доите детето. Со оглед на тоа дека секој на различен начин го метаболира алкохолот, тоа може да биде еден или два часа по пиењето, но најдобро е да почекате најмалку два часа.
