Децата кои се родени од мајки кои во текот на бременоста пиеле и пушеле, имаат за 12 пати поголеми шанси за смрт во колевка, отколку останатите деца.
Новата студија покажа дека бебињата кои се изложени на цигари и алкохол по првото тромесечје од бременоста, имаат голем ризик од синдром на ненадејна смрт на детето (СИДС).
Ова истражување спроведено е во Велика Британија, откако е откриено дека дури 4 од 10 идни мајки во Британија пијат за време на бременоста.
Шокантното откритие следело откако тимот на научници од САД и Јужна Африка следеле резултати од 12.000 трудници помеѓу 2007 и 2015 година.
Следењето на жени од овие земји било избрано поради високата стапка на пренатална употреба на алкохол и СИДС. Овој синдром всушност е изненадна, необјаснива смрт на деца помлади од една година. Истражувачите ги следеле едногодишните исходи за околу 94% од бременостите.
Тие откриле дека за тоа време починале 66 новороденчиња, што вклучува и 28 смртни случаи од СИДС и 38 смртни случаи од други, познати причини.
Освен што опасноста од СИДС е за 12 пати поголема од пушењето и консумирањето алкохол во првото тромесечје, ризикот се зголемил за четири пати кај новороденчињата чии мајки продолжиле да пијат и да пушат и по првото тромесечје.
