Учениците кои имаат вошки треба да одат на училиште, се вели во новиот извештај на Американската академија за педијатрија. Нивната препорака е да не се држат децата надвор од училниците поради оваа состојба, туку на семејствата да им се понудат едукативни програми кои ќе им помогнат да разберат како да се справат со вошките.
Во детските колективи како што се градинките или основните училишта, вошките се појавуваат секоја година во есен и во пролетните месеци. Досадните штетници се хранат со крв од скалпот, а кога ќе се намножат во голем број, предизвикуваат чешање на главата. Надвор од скалпот, вошката може да преживее до 48 часа, по што умира без храна
„Вошките се досадни, но со нив може успешно да се управува и не се причина детето да изостанува од училиште“, рече главниот автор на извештајот, Даун Нолт.
„На детето или на адолесцентот не треба да му се забранува да оди на училиште поради вошки, со оглед на ниската стапка на зараза во училниците. Правилото да не се оди на училиште поради оваа причина ги крши граѓанските слободи на детето“, се додава во извештајот.
Ова се првите ажурирани упатства за вошки од Американската академија за педијатрија од 2015 година.
Американскиот центар за контрола и превенција на болести, исто така, препорачува учениците со вошки да не се испраќаат дома порано и да им се дозволи да се вратат во училницата следниот ден по третманот. Американската академија за педијатрија забележува дека вошките обично се шират со контакт глава на глава, понекогаш со допирање на предметите на заразеното лице.
„Вошките кои се наоѓаат на чешелот обично ќе бидат повредени или мртви, а потоа шансите за инфекција се екстремно мали“, истакнуваат тие.
Според педијатрите, идеалниот третман за вошки не вклучува отровни хемикалии, туку прилично евтини средства кои лесно се применуваат.
Во детските колективи како што се градинките или основните училишта, вошките се појавуваат секоја година во есен и во пролетните месеци. Досадните штетници се хранат со крв од скалпот, а кога ќе се намножат во голем број, предизвикуваат чешање на главата. Надвор од скалпот, вошката може да преживее до 48 часа, по што умира без храна.
