Ако се почесто се жалите на временските услови или ве фаќа дремка пред телевизорот, можеби сте стигнале дошле до моментот кога почнувате да личите на вашите родители. Според резултатите од една анкета, многу луѓе признаваат дека токму ова се првите знаци на таа трансформација.
Анкетата спроведена помеѓу 2.000 Британци открила дека повеќето луѓе почнуваат да покажуваат однесување слично на родителите, во просек на 43-годишна возраст. Жените обично го доживуваат ова порано, на просечна возраст од 42 години, додека мажите обично почнуваат да се претвораат во своите татковци дури со 45 години.
Некои од најчестите показатели вклучуваат: облекување поради удобност (31% од испитаниците), одење во кревет пред 22 часот (27%) и чувство на вина поради подолгото спиење за време на викендите (15%).
Навики кои нè одаваат
Музичките преференции, исто така, почнуваат да откриваат сличности со родителите. На пример, 21% од испитаниците признале дека повеќе не ги препознаваат хитови на музичките топ листи, додека 14% од нив почнале да ги менуваат радио станиците на оние со помирна музика. Освен тоа, дури 61% од испитаниците изјавиле дека почнале да ги купуваат истите работи како и нивните родители – од мебел до модни додатоци.
Огромното мнозинство од испитаниците (94%) веруваат дека одредени семејни особини се пренесуваат генетски низ генерациите. Но, копирањето на родителите не мора да биде лошо, особено кога се во прашање финансиските навики. Околу 20% од луѓето препознале дека ја преземаат навиката на нивните родители да ги планираат финансиите, што може да има позитивно влијание врз буџетот на домаќинството.
Анкетата исто така открила дека 87% од луѓето сметаат дека учат како да воспитуваат деца од нивните родители. Дури 78% од нив признаваат дека дури откако станале родители сфатиле колку се слични на нивната мајка или татко.
