АстраЗенека ја брани својата вакцина против Ковид-19 откако оваа недела неколку земји ја прекинаа употребата поради загриженост дека предизвикува згрутчување на крвта.
Фармацевтскиот гигант денеска изјави дека неговата анализа не покажала „докази за зголемен ризик“ од згрутчување на крвта кај примателите на вакцините на Оксфорд-АстраЗенека.
„Анализата на нашите безбедносни податоци на повеќе од 10 милиони записи не покажа никакви докази за зголемен ризик од белодробна емболија или длабока венска тромбоза во која било дефинирана возрасна група, пол, серија или во која било земја со вакцината против COVID-19 на АстраЗенека“, се вели во соопштението.
„Всушност, забележаниот број на ваков тип на настани е значително помал кај вакцинираните отколку што се очекуваше кај општата популација“.
По Тајланд, Данска, Исланд, Норвешка… и Бугарија денеска времено ја суспендирање употребата на вакцината на Оксфорд-АстраЗенека, се додека истражувачите ги испитуваат потенцијалните несакани ефекти и несакани реакции.
Од АстраЗенека изјавија дека целосно ќе ги поддржат сите тековни истраги. (Си-Ен-Ен)
