Кучињата, наводно, можат да ги забележат растечките стомаци на нивните сопственички, а кај нив може да почувствуваат и промена во мирисот, тврди Американскиот кинолошки клуб. Иако професорите од ветеринарниот факултет во Охајо тврдат дека кучињата не знаат дали нивната сопственичка е бремена, тие истакнуваат дека кучињата секако чувствуваат дека дошло до некаква промена и затоа се однесуваат поинаку, пренесува „Shape“.
Многу мајки тврдат дека нивните кучиња почувствувале дека се бремени. Некои кучиња сакаат да бидат поблиску до своите сопственици, па често спијат со нив и се гушкаат, додека други стануваат вознемирени и ги чуваат сопственичките од каква било закана
„Кучињата се искусни набљудувачи. Имаат одлични сетила за мирис и вид и не е ни чудо што чувствуваат дека е нешто поинаку кога е жената бремена“, објаснува Мери Р. Бурч од Американскиот кинолошки клуб, додавајќи дека препознала дека многу кучиња забележуваат бременост.
Кај трудниците се случуваат многу промени во телото кои може да резултираат со промена на мирисот, а кучињата се познати по своето силно сетило за мирис. Бурч наведува дека кучињата сепак се тренираат за да откриваат дрога и експлозиви, а истражувањата покажале дека можат да детектираат и здравствени состојби како што се рак, мигрена и епилептични напади.
„Покрај откривањето на хормоналните промени преку сетилото за мирис, кучињата можеби можат и да ги слушнат отчукувања на срцето на фетусот“, смета Бурч.
Иако нема многу формални истражувања за поддршка на оваа теорија, многу мајки тврдат дека нивните кучиња почувствувале дека се бремени. Некои кучиња сакаат да бидат поблиску до своите сопственици, па често спијат со нив и се гушкаат, додека други стануваат вознемирени и ги чуваат сопствениците од каква било закана, иако понекогаш станува збор за сопругот или можеби правосмукалката. Експертите велат дека кучињата дури можат и да почувствуваат кога започнува породувањето. Тие ја чувствуваат промената во расположението и болките и тогаш може да се однесуваат заштитнички.
