Може ли бебе од три месеци да помине седум и повеќе денови на планина чија надморска висина е околу 2.00 метри?
Не е баш препорачливо, советуваат педијатрите, толку мали деца да престојуваат на прилично голема надморска висина, далеку од својот дом.
Разредениот воздух, но и екстремно студеното време се вообичаени за планина на таа висина во овој период од годината. Точно дека воздухот е чист, но е и студен.
Што за бебето значи да престојува на планина, кога поголем дел од времето ќе го минува во хотелска соба или апартман. И ако излезе надвор, тоа малку време ќе биде замотано во скафандер или покриено во количка.
Треба да се мисли и на здрасвтвениот аспект на зимувањето, велат педијатрите. На бебето, веројатно ќе му биде добро. Но, ако нешто се случи, ретко кога е можно да се добие вистинска педијатриска медицинска услуга надвор од повеќето градови. Тоа значи: бебето во автомобил и назад дома.
Строго медицински гледано, на бебето може да му се обезбедат адекватни услови на планина, но подобро е да се избере некоја пониска планина со надморска висина од максимум 1.000 метри.
