Првите парчиња храна на бебето смее да му се понудат во моментот кога ќе може да седи само без помош и кога само може парчињата храна да ги стави во уста. Тоа се основни правила до кои педијатрите советуваат да се придржуваат родителите на почетокот на дохраната на бебето со цврста храна. Покрај тоа, првите парчиња храна мора да бидат меки, лесно да се голтаат и мора да бидат исечкани на мали делови. Поедноставено, мора да се топат во уста без користење на заби. Според стручњаците, ваковиот тип на исхрана, ги учи најмладите на независнот, самостојност и им ја поттикнува моториката.
Еве кои намирници може да ги воведете во исхраната на бебето кои уште се нарекуваат finger food или храна за со прсти.
- БАНАНА
Исечете ја на парчиња и понудете му ја бебето. Бананата е секогаш на прво место поради хранливоста и мекоста.
- КРИШКИ АВОКАДО
Слично како и бананата, потребно е да се исечка на мали коцки.
- ОМЛЕТ
Проверено – едно од најомилените јадења на децата на сите возрасти и е одличен избор за почеток на хранење со цврста храна.
- ВАРЕН ГРАШОК
Убаво сварен грашок, малите деца, па и бебињата едноставно го обожаваат.
- ВАРЕНО ПИЛЕШКО
Парчињата пилешко месо за децата се со интересен вкус, но внимавајте да е убаво сварено и меко.
- ТЕСТЕНИНИ
Ако имате проблем со јадењето, сварени мали тестенини сигурно ќе најдат пат до желудникот на детето.
- ВАРЕН МОРКОВ
Убаво сварен морков е зеленчук во кој ќе ужива детето
- РИБА
Важно е само да е исчистена од коски и мека
- ПАРЧИЊА ВАРЕН КОМПИР
Исечкајте го сварениот компир и понудете му на бебето да ужива во вкусот.
