Бебешките акни се јавуваат кај 20% од новороденчињата уште во текот на првиот месец по раќањето. Главно се појавуваат на лицето, ретко на други делови на телото.
Како изгледаат? На кожата на челото, брадата, нсот и под очите се појавуваат белузлави промени со големина на врв на игла. Тоа се т.н. затворени комедони. Поретко се појавуваат црни точки кои личат на комедони, а кои се јавуваат во тинејџерскиот период. Потоа се појавуваат ситни, жолти гнојаници, т.н. пустули и ситни меурчиња т.н. везикули. Понекогаш се јавуваат и ситни тврди јазолчиња. Понекогаш бебето несвесно го чеша лицето, бидејќи таквите промени даваат чешање.
Се појавуваат под влијание на андрогените, односно мешките полови хормони кои стигнале до крвотокот на бебето од крвотокот на мајката преку плацентата или уште во периодот на животот во матката, или подоцна по раѓањето, преку мајчиното млеко.
Бебешките акни почесто се јавуваат кај бебињата кои мајките ги претоплуваат. Под влијание на зголемената температура, лојните жлезди создаваат повеќе лој. Под притисок на зголемената количина лој, ѕидот на лојните жлезди пука и настанувааѕ промени на кожата, а тоа се розеви папули, пустули и јазолчиња.
Промените траат три до четири месеци, а должината на траење е индивидуална и зависи од наследните фактори, чувствителноста на лојните жлезди на бебето на андрогените хормони, кои ги добива од мајката.
Бебешките акни исчезнуваат, не оставаат лузни, но бебињата кои ги имале, во 50% од случаите ќе имаат тинејџерски акни во пубертетот. Доколку дерматолог кај бебето дијагностицира дека станува збор за бебешки акни, а не за некоја друга состојба, не е потребна никаква терапија.
