Десетиот месец е период кога бебињата од ползење, стануваат самоуверени мали “стојачи“ кои се обидуваат да се вивнат во височина и да фатат се што не можеле.
Што сега прави?
Бебето со 10 месеци е вистински истражувач кое ползејќи ќе се обиде да ги открие сите тајни во домот, и оние безбедните, но и оние кои се опасни. Секогаш имајте го на око детето, кое често сакаат да го удрат челото или да паднат по скали. Во овој период, тоа ќе се обиде да се дигне на нозе, придржувајќи се на мебелот, и да ги направи првите самостојни чекори. Ова е важно време за детето кое е љубопитно и има желба за учење.
Тоа ќе дели насмевки постојано, а особено кога ќе му се возврати со насмевка. Не се чудете ако во продавница, 10 месечното бебе ќе го маѓепса секој купувач или вработен. Ова е време кога бебето ќе привлекува внимание, па очекувајте играчки на подот во секое време.
Како комуницира?
Бебето учи да го следи вашиот поглед кога нешто ќе погледнете. Ќе удира и со лажичката по маса кога ќе сака јадење. Освен тоа, фрлањето играчки и смеењето се негов начин за привлекување внимание. Ова е време на сериозно гугање и повторување на движењата со кои сака да го добие она што сака.
Како може да му помогнете?
Разговор, разговор и разговор е клучот на анимирање и учење. Покажувањето и опишувањето на работите и ситуациите во кои се наоѓаат ќе станат уште позабавни, особено ако е во прашање природата и јаките бои.
