Бебе на 15 месеци веќе оди или барем се обидува да ги направи првите самостојни чекори. Ова е време во кое бебето ќе ги открие последиците од своите дела.
Што сега прави?
Со 15 месеци, детето ги разбира рутинските случувања во својот живот и може, на пример, да испружи рака кога му облекувате јакна. Не се чудете ако вашето бебе на возраст од 15 месеци фрла играчки на под. На бебето му се многу интересни последиците на неговите дела, како фрлање играчки на земја или пак непотребно викање одеднаш.
Како комуницира?
Во овој момент се уште зборува понекој збор, но веќе знае многу повеќе. Ќе почне да имитира звуци што ги слуша, како мотор на автомобил или мјаукање на маче и тие ќе бидат многу изразени. На оваа возраст, бебето од чиста мира ќе почне да се дере за да го чуе сопствениот глас. Немојте да ги опоменувате, туку само наведете го заеднички да пеете или да повторувате слогови.
Како може да помогнете?
Често вклучувајте го во разговор – внимателно ќе ве слуша. 15. месец е идеална возраст за први приказни за добра ноќ, но во овој период бебето нема силна концентрација, па не очекувајте дека ќе му прочитате повеќе од една страница. Не му давајте многу сложени играчки, оти може да се откаже да ги совлада.
