Бебе со 16 месеци ужива во повторувањето, и тоа на се. Ова е исто така време кога од бебето може да се слушнат и првите едноставни зборови. Во овој период тоа може да ги покаже и првите испади на бес и лутина, и тоа е сосема нормално.
Што сега прави?
Во овој период, детето ќе ги открие сите радости на паркот: природата, лулањето, спуштањето по лизгалка, вртењето, играњетп на земја и во песок, собирање ливчиња и набљудување на другите деца во играта. Немојте да се изненадите кога ќе ви се случи попларно наречениот тантрум, односно прва лутина. Бебето на 16 месеци ја сфаќа моќта на негацијата, како вашата, така и неговата, па во склад со тоа и ќе се налути, односно ќе се расплаче.
Како комуницира?
Бебето постапно го развива својот говор и вештина за вербализација. Може да почне да кажува “уште“, кога сака нешто да повторите, а зборот “не“ е уште еден од оние зборови кои често ќе ги користи, бидејќи веќе добро ја знае моќта на негацијата и на одбивањето. Тоа ќе ужива во вашето пеење и повторувањето на едноставните песнички. Исто така, на оваа возраст ги повторува и звуците од животните.
Како може да помогнете?
Погрижете се да има околу него многу лица со кои ќе може да се зборува, дури и ако тие не го разбираат. При прошетка, именувајте ги животните и побарајте од детето да повтори како тие звучат. Пејте и играјте заеднички на едноставни песнички, и вклучете ги и рацете и нозете. Во овој период ќе почне да покажува и први знаци на лутина, па многу е важно во тие моменти да останете мирни и да не попуштајте пред веќе одредено правило.
