На 19 месеци, вашето бебе веќе ќе почне да ја сфаќа смислата за хумор, но и можноста да се покаже еднакво со родителите. Ова е време кога децата растат и созреваат од мали бебиња во деца.
Што сега прави?
Со 19 месеци, детето обожава да ве имитира и се обидува да го прави она што вие го правите и ако тоа не му успее, ќе ве следи наоколу додека ги извршувате обврските, како на пример чистење со правосмукалка. Не е свесно дека нанесува болка кога некого ќе удри или гризне. Оваа возраст е идеална за компромиси. Имено, децата сакаат кога кон нив се однесувате како со еднакви, но во овој период сакаат и да не послушаат. Затоа, компромисот наместо наредба е идеално решение.
Како комуницира?
На оваа возраст, детето би можело да ги менува расположенијата, да биде луто и зајадливо, и да плаче ако не го добие она што го сака. Знае околу 30 зборови. На оваа возраст од 19 месеци му е веќе јасен хуморот, и ќе се смее кога ќе се случи нешто ненадејно: кога мама ќе се сопне или кога на тато ќе му падне нешто од рака.
Како може да помогнете?
Дозволете му да се вклучи во вашите активности, на пример дајте му дрвена лажица со неа да удира во некој сад додека вие готвите. Ако е тоа можно, оддалечете се кога има напади на бес, и бакнете го кога тоа ќе помине.
Компромисот наместо наредба би можел да ви го олесни животот со бебе на 19 месеци. Наместо “расчисти го“, речете му “ќе го расчистиме ли заедно“.
