БЕБЕШКИ РАЗВОЈ: 18. месец е време за скокање и пеење

Со 18 месеци детето е прилично активно, оди, повремено трча, а можеби и сака да се вози на играчка автомобил. Игрите му се развиени и веќе може и да ви дофрли топка и да реди една коцка врз друга.

Бебе на 18 месеци е вистинско мало чудо на говор и движења. Пред него е сосема нов свет кој сака да го зграпчи и со раце и со нозе, а при тоа и ќе ви раскажува се што ќе види по пат.

Што сега прави?

Со 18 месеци детето е прилично активно, оди, повремено трча, а можеби и сака да се вози на играчка автомобил. Игрите му се развиени и веќе може и да ви дофрли топка и да реди една коцка врз друга. На оваа возраст ќе сака да скока по кревети, а освен тоа пеењето и танцувањето ќе му бидат омилена игра кога не може да излезете надвор.

Ова е период кога детето неволно ќе се одвијува од своите родители. На 18 месеци, децата стануваат свесни за самите себе, и ќе престанат да се гледаат како продолжение на родителите. Тогаш стануваат свесни дека родителите може да заминат, но и дека ќе се вратат.

Како комуницира?

Бебе на 18 месеци има добро помнење и ќе запомни кога нешто ќе му земете . Кога нема да биде по негово, ќе биде раздразливо. Сега е вистинско време за учење песнички и помнење на едноставни танцови движења. Исто така, сега и читањет станува забавно, бидејќи тоа со задоволство ќе повторува по вас, и ќе сака да ви раскаже се што се случило во текот на денот.

Како може да помогнете?

Давајте му играчки кои ќе може да ги влече и турка. Тоа ќе му помогне во одржување на рамнотежата. Време е за први прошетки без количка, одберете пократки рути и притоа зборувајте и опишувајте му се што гледате и што се случува. Бебето на оваа возраст со радост ќе ви зборува, па макар тоа било со помош на рачињата и ќе ви кажува каде сака да оди и што сака да види.

Во овој период кога го оставате детето во градинка или на чување, кажете му јасно дека заминувате и дека ќе се вратите. Немојте да заминувате додека не ве гледа.