Дете на 20 месеци е вистински мал атлета кое штотуку почнало да ги увидува своите тркачки и скокачки способности. Во овој период децата откриваат и се поголем распон на своите емоции.
Што сега прави?
На 20 месеци на детето може да му дадете боици и тоа ќе шара и ќе повлекува линии по хартијата. Иако, цртањето ништо не му значи, не е се случајност – ќе се обидува да го урамнотежи чкртањето на десната страна со оние на левата како би создало свое сопствено ремек дело.
Овој период е создаден за играње со топка, иако овој тип на игра може да биде за вас да биде напорна, бидејќи ќе се обидува работите да ги прави на свој начин и без ваша помош.
Самодовербата на нозе расте, така што во овој период ќе сака да трча како маратонец, само што тешко ќе знае да застане и сврти без паѓање или гребаници.
Како комуницира?
Речникот постојано му се проширува до околу 50. збора и од сега ќе почнува да составува реченици од по два збора. Може да биде способно да следи многу едноставни приказни и да ви зборува, тогаш кога вие молчите. Со 20 месеци, детето е котел на заборови и чувства, а особено на оние екстремните како голема среќа, но и лутина.
Како може да помогнете?
Раскажувајте му приказни и смејте го. Дајте му слобода да прави различни работи и бидете подготвени за чистење после тоа. Додека чистите, нека ви помага. На децата на оваа возраст им се потребни многу активности, па не се чудете ако детето постојано трча. Подгответе топка и едноставни спортски реквизити за заедничко вежбање.
