Првите два месеца се зад вас, а вашето бебе се повеќе напредува. Вие се уште уморни, бидејќи не сте преспале ноќ, но за тоа ќе причекате.
Што сега прави?
На три месеци, бебето ќе сака да си игра со водата во кадичката, а кон крајот на овој месец веќе ќе можете да го чуете и првото смеење. Насмевката станува се поширока и се повеќе одговара на вашиот глас, во споредба со гласот на таткото. Се развиваат вратните мускули и можеби ќе може главчето да го држи исправено кратко време.
Третиот месец кај бебето носи се подобра координација во нејзините движења, но не грижете се, се уште нема да почне да трча наоколу. Но, може да почне полека да се подготвува за вртење од стомак на грб и обратно.
Ако вашето бебе на оваа возраст спие на едно по пет или шест часа, односно ако ја преспива ноќта, сметајте се за среќни! Повеќето бебиња во овој период и натаму се будат неколку пати во текот на ноќта.
Како комуницира?
Ќе забележите дека плачењето се разликува во зависност од тоа што сака да ви каже, па ќе може да препознаете дали е гладно, уморно или нестрпливо. Бебето се обидува да ги имитира вашите движења на устата додека и зборувате и ја мрда главата кон звуците што ги слуша.
Како може да помогнете?
Овозможете му на бебето некое време да минува на под, за да може да ги движио рацете и нозете како што сака. Тоа ќе го охрабри да се обиде што повеќе да се движи.
Стмулирајте ги сетилата кај бебето, така што почесто ќе му пеете и зборувате, иако можеби ви се чини дека тој разговор е еднонасочен. Иако ви се чини дека е прерано, бебето ќе има корист и ако редовно му читате.
