Со седум месеци може да бидете сигурно дека вашето бебе, во повеќето случаи, наскоро ќе стане многу поподвижно, па од лежечка позиција ќе премине во ползење.
Што сега прави?
Со седум месеци, рамнотежата на бебето е многу подобра и не мора да се придржува со една рака. Рацете ги користи на различни начини, учи да вперува со прст и посегнува со двете раце за поголеми предмети и само со една рака за помали.
Можеби ќе забележите дека повеќе ја користи едната или другата рака, но тоа може да се менува. Немојте да се обидувате да го насочувате на десна рака, ако повеќе ја користи левата, бидејќи тоа може да доведе до збрка во неговото главче.
Како комуницира?
Почнува да разбира одредени зборови кои ги кажувате, вклучувајќи го и своето име. Може да имитира важи движења и да подигне рачиња кога ќе посака да ја подигнете вие.
Како може да му помогнете?
Лулајте го бебето на своите колена во сите насоки за да се навикне на промените на положбата на телото и одржувањето на рамнотежа. Давајте му мали парчиња храна која може да ја зема со рачињата, како леб, банана, тестенини или грашок, но подгответе се на чистење после тоа.
