Плачењето е главен начин преку кој бебето во првите четири месеци од својот живот ги изразува своите потреби – но како родителите може да разберат дали бебето плаче затоа што е гладно, нешто го боли или се работи за нешто сосема трето?
ВИДОВИ ПЛАЧ
Плач кој повикува: Бебето некое време било само и сака некој да до ги дигне. Тогаш непрекинато плаче 5-6 секунди, а потоа следи 20 секунди пауза во кои ги чека резултатите. Ако никој не реагира, циклусот се повторува неколку пати додека плачењето не стане непрекинато.
Плач поради глад: Може да почне како плач кој повикува, но ако бебето не го земете и не го нахраните, плачот ќе продолжи и ќе стане хистеричен. Детето може и да ја мрда лево-десно главата и да испушта звук како да шлапа со устата.
Плач поради болка: Ова плачење е монототно, гласно и константно, а повремено ќе дојде до хистеричен краток плач кој укажува дека болката се зголемува. Но, ако детето се разболи, плачот може да биде и монотон, оти нема доволно сила за гласни звуци.
Плач поради физиолошки процес: Физиолошките процеси како гасови во цревата на почетокот може да предизвикаат нелагодност кај детето, а овој вид на плачење наликува на цвилење.
Плач поради поспаност: Кога бебето сака да спие, но од некоја причина не може да заспие, плачењето му звучи како цвилење проследно со зевање. Детето и ќе ги трие очите и ушите.
Плачење поради нелагодност: Тој плач е иритиран и испрекинат, и често го следи форма на пелтечење, а значи дека е крајно време да му се провери пелената на бебето или дали му е студено или претопло. Малите бебиња можат да плачат на овој начин и кога сакаат да го променат опкружувањето, кога им е здодевно или се “фрустирани“.
Педијатарот д-р Присила Дунстан ги проучувала звуците во најраното детство (до 3-4 месец од животот) повеќе од 20 години. Во нејзините експерименти учествувале илјадници бебиња од различни краеви на светот, и дошла до заклучок дека примарните рефлексни звуци се интернационални. По навршување на четвриот месец бебињата почнуваат со звуците се повеќе да комуницираат и да ги изразуваат физичките потреби.
РЕЧНИК НА НАЈЧЕСТИТЕ ЗВУЦИ КАЈ БЕБЕТО
“Нех“ – “Гладно сум“! Овој звук настанува кога детето го турка јазикот кон устата и го покренува рефлексот на цицање.
„Ех“ – “Ќе пукнам“! Овој звук се создава кога вишокот воздух почнува да го напушта детскиот хранопровод и детето се обидува рефлексно да го исфрла од уста.
“Охх“ – “Ми се спие“! Бебето го произведува овој звук на замор, така што ги витка усните при зевање.
„Хех“ – “Не ми е удобно“! Неудобните надразби го тераат детето да се мрда и да ги движи рацете и нозете. Сите тие движења допринесуваат за создавање на звукот “хех“, особено кога устата на бебето е малку отворена.
“Еаирх“ – “Имам гасови и болки во стомакот“! Звуците се изобличуваат и се претвораат во крик кога детето ќе го напне стомакот и ќе издиши, обидувајќи се да се ослободи од болката.
ДВИЖЕЊА И ГОВОР НА ТЕЛОТО
Виткање на грбот во лак: Бебе помало од два месеци го прави ова кога реагира на болка и колики. Ако бебето го витка грбот по јадење, значи дека е сито. Ако често го прави тоа движење често, за време на јадење, тоа може да биде знак за рефлукс. Ако бебето е постаро од два месеци, движењето обично укажува на замор и лошо расположение.
Вртење на главата на страна: Ова е смирувачко движење кое бебето го прави или пред спиење или кога околу него се непознати луѓе.
Фаќање за уши: Во повеќето случаи, ова движење покажува дека бебето го истражува своето тело, но добро е да се посоветувате со лекар ако тоа движење е проследено со плачење и често се повторува.
Стискање на дланките: Тоа е знак на глад. Ако успеете да го забележите на време, можете да спречите бебето да почне да плаче.
Подигање на нозете: Тоа е знак за колики (грчеви) и болки во стомакот. Бебето се обидува рефлексно да се ослободи од болката.
Тресење на рачињата: Ова движење значи дека детето се исплашило. Гласен звук, силно светло или нагло будење може да го предизвикаат ова, а тогаш бебето треба да се утеши.
