Додека бебињата од афроамериканско, латино и азиско потекло обично секогаш се раѓаат со темни очи, белата раса има помалку меланин, па затоа и повеќето бебиња се раѓаат со сини очи. Но, белите бебиња најчесто се раѓаат со темносини очи, со примеси на сива боја, а нивната боја на очите може да се промени неколку пати до крајот на првата година од животот.
Но, дали знаевте дека бојата на очите на бебето почнува да се менува уште за време на самото раѓање? Имено, во матката нема доволно светло, па нивото на пигмент и во кожата и во очите е многу ниско. Кога вашето дете ќе излезе на светло во родилната сала, светлината го стимулира производството на меланин во ирисот, што може да предизвика промена на бојата. Значи, сè зависи од нивото на меланин: детето може да има сини, сиви, зелени или кафеави очи.
До шестиот месец од животот на вашето бебе, ќе забележите дека бојата на очите се променила и до неколку пати. После тоа, бојата се стабилизира. За повеќето бебиња, бојата на очите станува очигледна и постојана до нивниот прв роденден. Ретко се случува децата да ја променат бојата на очите и до тригодишна возраст
Како што расте бебето, производството на пигмент се зголемува, особено ако постои генетска предиспозиција за тоа. Меланинот е протеин, а количината и видот што ќе ги добиете е запишано во вашите гени.
Кога ќе дознаете каква боја на очите има вашето бебе?
До шестиот месец од животот на вашето бебе, ќе забележите дека бојата на очите се променила и до неколку пати. После тоа, бојата се стабилизира. За повеќето бебиња, бојата на очите станува очигледна и постојана до нивниот прв роденден. Ретко се случува децата да ја променат бојата на очите и до тригодишна возраст.
А што вели генетиката?
Кај двајца родители со сини очи голема е веројатноста дека детето ќе биде синооко. Дополнително, ако и бабите и дедовците имаат сини очи, веројатноста дека детето ќе има сини очи уште повеќе се зголемува.
Ако едниот родител има кафеави очи, а другиот светли (сини или зелени), веројатноста дека детето ќе има кафеави очи е малку поголема. Ако двајцата родители имаат кафеави очи, шансите детето да има иста боја како родителите се поголеми од 75%.
Најретка боја на очите е зелената, а оваа боја ја само 5% од светската популација.
