Многу родители ги плаши ситуацијата кога не можат да сфатат зошто бебето неутешно плаче. Сито е, здраво е, но од некоја причина не може да се смири. Ова е објаснување за една причина во која се крие реална опасност. За жал, повеќето родители не знаат за тоа.
Тешко е да се поверува, но тоа е најобично влакно кое некако се нашло во чорапчето на детето. Влакното може да се завитка и да се уреже околу бебешкото прсте, за што допринесува постојаното мрдање и движење на нозете на бебето.ч влакното предизвикува силна болка и ја прекинува циркулацијата, што дури може да доведе и до ампутирање на прстето, ако проблемот навреме не се воочи. Со тек на време е се потешко да се забележи влакното, оти ткивото околу него набабрува, односно отекува. На англиски, оваа појава се нарекува hair tourniquet.
Младите родители Скот и Џесика Вокер, се соочиле со ваква појава. Нивната ќеркичка плачела цел ден, иако се чинело дека нема причина за тоа. Џесика, на бебето му ги соблекла чорапите во надеж дека тоа малку ќе го смири и забележала дека прстот е отечен и црвен. Се покажало дека се е виновно влакно кое се заплеткало околу прстето на бебето.
Оваа појава не е честа, но одреден број на родители се среќаат со неа. Со оглед дека ниту ние никогаш не сме слушнале за ваков проблем, смтавме дека е подобро што повеќе родители да дознаат за него.
