- Научниците ја анализирале микропластиката во изметот на бебиња и возрасни
- Во сите примероци биле пронајдени микропластични влакна
- Нивото на полиетилен терефталат (ПЕТ) било 10 пати повисоко кај бебињата
- Истражувачите веруваат дека ова може да се должи на изложеност на производи за бебиња
Бебињата имаат 10 пати повеќе микропластика во столицата отколку возрасните, предупредува нова студија.
Истражувачите од Универзитетот во Њујорк откриле многу повисоки нивоа на еден вид микропластика, познат како полиетилен терефталат (ПЕТ), кога ја споредувале столицата кај возрасните и децата.
Тие веруваат дека повисоките нивоа кај бебињата може да се должат на изложеноста на производи за бебиња, па се до лазење по теписи што содржат хемикалии.
Загрижувачки, истражувачите се уште не се сигурни и прецизни за долгорочните здравствени ефекти што може да ги има изложеноста на микропластика. Сепак, претходните истражувања ја поврзаа изложеноста на микропластика со изумирање на клетките, воспаление и метаболички нарушувања.
Микропластичните остатоци можат да бидат помали од пет милиметри, а неодамнешните студии потврдија дека најситните влакна можат да ги преминат клеточните мембрани и да влезат во циркулацијата на телото.
Претходните истражувања ја поврзаа изложеноста на микропластика со изумирање на клетките, воспаление и метаболички нарушувања
Студијата спроведена на Медицинскиот факултет на Универзитетот во Њујорк беше објавена во „American Chemical Society’s Environmental Science & Technology Letters“.
Професорот Курунтачалам Канан, кој ја водеше студијата, рече: „Иако просечното ниво на фекален поликарбонат беше слично помеѓу возрасните и доенчињата, столицата на бебињата содржеше, во просек, повеќе од 10 пати повисоки концентрации на ПЕТ отколку онаа кај возрасните“.
„Високите концентрации на микропластика во фецесот на бебиња на возраст од една година може да се припишат на голема употреба на пластични производи како што се шишиња за хранење бебиња, чашки, прибор како лажици и тањирчиња, пластични гризалки за заби и играчки, меѓу другите во таа фаза на раст“.
Познато е дека едногодишните бебиња честопати ставаат во уста пластични производи и облека.
Покрај тоа, студиите покажаа дека формулата за бебиња подготвена во шишиња може да испушти милиони микропластика, а голем дел од преработената храна за бебиња е спакувана во пластични садови што претставуваат друг извор на изложеност кај едногодишни бебиња.
Понатаму, текстилот е извор на ПЕТ. Доенчињата често ја џвакаат и цицаат облека, и затоа, изложувањето на оваа возрасна група на микропластика во текстилот претставува голема загриженост. „Теписите изработени од ПЕТ и ПП може да бидат уште еден извор на изложеност на микропластика, бидејќи доенчињата често лазат по површините прекриени со тепих“, пишува „Дејли мејл“.
