Малку работи во животот носат толку среќа како првата насмевка на бебето. Според студијата на калифорниските научници од Универзитетот во Сан Диего, се чини дека бебињата совршено разбираат дека сакаме тие да не направат среќни.
Научниците тврдат дека бебињата свесно им се насмевнуваат на мајките затоа што очекуваат тие да им возвратат со ист израз на лицето. Бебињата, всушност, воспоставуваат ваков тип на комуникација со мајката затоа што сакаат да ја гледаат како се смее, велат научниците. Во истражувањето учествувале бебиња на возраст меѓу четири и 17 недели и нивните мајки. Научниците сакале да откријат какви реакции се случуваат кога мајката и детето се насмевнуваат во исто време и кога никој не се насмевнува. Испитувале и што се случило кога само мајката се насмевнала, а што кога само детето се насмевнува.
За да ги измерат ефектите од овие однесувања кај мајките и нивните бебиња, научниците користеле техники што се користат во роботиката, психологијата и компјутерската наука.
Бебињата покажувале специфично однесување кога нивните мајки биле насмеани во споредба со кога нивните мајки биле сериозни.
Бебињата им се насмевнувале на своите мајки кога нивните мајки, гледајќи ги во очи, се смееле, што научниците и го очекувале. Во ситуацијата кога (од претходно) насмеаните мајки ќе се свртеле кон своите бебиња, се случувало спротивното: бебињата не го возвратувале гестот.
Имено, бебињата ја возвраќале насмевката само кога таа била спонтана и исклучиво насочена и наменета за нив. Дека е неопходно да се игра со бебињата за тие да се насмеат потврдуваат и научниците кои го спровеле експериментот. Истражувањата одамна покажуваат дека децата учат со имитација. Нивната перцепција е многу остра од најрана возраст, а се што се прави со нив буди невролошки одговор кај детето.
Значи, ако бебето гледа дека мајката е среќна додека го гледа, ќе ја ископира, ако возрасните земат играчка со раце, детето ќе го направи истото. Авторите на студијата истакнуваат дека со ова истражување ги утврдиле основите на интеракцијата помеѓу бебињата и родителите, нешто што досега не било истражувано.
