Во текот на првите недели од животот, се развива и пХ вредноста на кожата која претставува заштита од иритација и дехидрација, па негата во тој период е многу важна за воспоставување на нормална функција на кожата. На прашањето дали во првите месеци е подобро да се користат пХ неутрални производи, дерматолозите даваат негативен одговор и нагласуваат дека производите со 5,5 пХ се најефикасни.
Тие нагласуваат и дека треба да се избегнуваат производи кои содржат PEG (полиетиленглокол) кој е користи како основа за кремите, како згуснувач или растворувач. Секако, избегнувајте ги и сите оние производи кои содржат парабени и силни мириси. А, со оглед дека бебешката кожа е високопропустлива и нежна, таа брзо ги апсорбира сите хемикалии кои потоа се таложат во организмот и го првата пречувствителен.
Педијатрите и дерматолозите советуваат бебето да не се капе повеќе од три пати во неделата, за одново да не отстранува заштитниот слој на кожата. Ова особено се однесува на периодот додека не му падне папочето. Се подразбира дека пеленската регија треба да се мие со вода и благ сапун, додека миењето на целото тело треба да се ограничи на неколку пати неделно, и тоа со маслени купки, за да кожата остане хидрирана. Користењето влажни марамчиња се препорачува само ако сте надвор од дома.
Не се препорачува целата бебешка кожа да се мачка со креми и млеко за тело, ниту со било кое друго средство за порите да не се запушат. Се мачка само пеленската регија со крема исклучиво за таа намена, за да се заштити од иритација и чешање.
